Federación Sindical Mundial

INDIA, EXITOSA FOLGA XERAL

Mércores, 29 Febreiro 2012 21:27

altUnha folga xeral masivamente concorrida paralizou a India no día de onte.

Millóns de traballadores e traballadoras da India, apoiaron na xornada de onte, unha xornada de folga xeral que paralizou os sectores estratéxicos do País. A adhesión masiva de sectores como a Banca, a Metalurxia, o Transporte, as Telecomunicacións a Minaría, a Industria Manufactureira, os Servizos Portuarios ou os Servizos postais, certificaron o éxito dunha xornada de loita que as forzas sociais, políticas e sindicais do País celebraron como unha das máis importantes dende a súa independencia nacional, no 1947.

As reivindicacións sobre a suba de prezos, a fin da terciarización, a universalización do Salario Mínimo, a Seguridade Social Universal, a aplicación das leis laborais básicas, a igualdade retributiva para as contratacións temporais e indefinidas ou o rexistro de todas as centrais sindicais nun prazo de 45 días, serviron para artellar unha posta en común das once centrais sindicais do País e das máis de cinco milleiros de centrais sectoriais, no que califican dende o propio sindicalismo clasista como "data histórica para a unidade sindical".

Ler máis...

Internacional

A MOBILIZACIÓN DA FSM TAMÉN EN COMPOSTELA

Domingo, 02 Outubro 2011 18:06

Día da Acción - 3 de Outubro

A mobilización internacional que a Federación Sindical Mundical convoca para mañá 3 de Outubro, tamén será seguida polos compañeiros e compañeiras da CUT en Compostela. Á mesma hora que en Vigo, ás 20 da tarde, convocamos unha concentración na Praza do Toural onde sumaremos forzas co sindicalismo combativo do mundo e faremos nosas as reivindicacións base da convocatoria: 35 horas de traballo semanais, Seguridade Social pública e gratuíta para todas as persoas, liberdades sindicais e democráticas, salarios dignos e dereito efectivo á negociación colectiva. Ademais das dúas loitas internacionalistas concretas que se resaltan: a reivindicación da liberdade dos 5 cubanos e a solidariedade co pobo palestino. 

Internacional

A CUT ESTIVO PRESENTE NA 9º CONFERENCIA EUROPEA DA FSM EN ROMA

Martes, 05 Outubro 2010 08:24

 

A CUT ESTIVO PRESENTE NA 9º CONFERENCIA EUROPEA DA FSM EN ROMAA CUT, representada polo seu Secretario Nacional de Relacións Internacionais, Manuel Camaño, estivo presente na 9ª Conferencia Rexional Europea da FSM os pasados días 1 e 2 de outubro, celebrada desta vez en Roma.

Nas intervencións da Conferencia estivo presente a crise do sistema capitalista que está a afogar, unha vez máis, á clase traballadora, e valoranse novamente as tomas de posicións conxuntas facendo valer a forza do internacionalismo proletario como medio de loita contra as medidas que o capital está a tomar.

No discurso da súa intervención, Manolo Camaño insistiu na necesidade de acumular forzas como método de resistencia aos ataques que, como clase traballadora, estamos a sufrir. A seguir vai a intervención completa do compañeiro Camaño.

Ler máis...

Internacional

O 7 DE SETEMBRO A CUT SECUNDA OS ACTOS DA FSM

Xoves, 02 Setembro 2010 17:16

 

O 7 DE SETEMBRO A CUT SECUNDA OS ACTOS DA FSMO vindeiro 7 de setembro está convocada pola FSM unha xornada de loita mundial, en defensa dos dereitos dos traballadores/as no sentido amplio. Desde a loita contra as receitas neoliberais que caracterizan a conxuntura mundial, ate as reivindicacións concretas de cada pobo ou de cada organización sindical.

A xornada convocada, consistirá en actos de mobilización de todo tipo, que en base ás condicións obxectivas de cada realidade e de cada sindicato convócante, poderán ser concretadas en: folgas, manifestacións, concentracións, conferencias, mitins, etc.

A CUT como membro da FSM está obrigada á participación nesta xornada. Inda que as posibilidades son certamente limitadas, debemos e queremos cumprir cos mínimos, é por iso que propoñemos a convocatoria dunha CONCENTRACIÓN EN VIGO, o martes día 7, ás 12 da mañá no Cruce de Colon con Policarpo Sanz, baixo o lema traballando para a Folga Xeral do 29 de setembro. As 10,30 asemblea de afiliados na sede da CUT en Vigo. Así mesmo haberá unha concentración en Compostela baixo os mesmos parámetros.

 

Ler máis...

Internacional

A CUT asistiu á reunión da UIS do Transporte da FSM en Lisboa

Xoves, 26 Novembro 2009 20:00

O pasado 17 de novembro de 2009 tivo lugar en Lisboa a Conferencia Europea da Unión Internacional dos Sindicatos (UIS) de Transportes da Federación Sindical Mundial (FSM).

Esta iniciativa moi importante para a rexión europea, neste sector estratéxico, contoú coa participación de 7 e 5 organizacións internacionais e nacionais respectivamente, procedentes da Inglaterra, Chipre, Grecia, Rusia e Bielorusia ademáis dos camaradas de Portugal e do Secretario Xeral da UIS do Brasil e do Presidente da UIS-Transporte José Manuel Oliveira do Sindicato Nacional dos Trabalhadores do Sector Ferroviario de Portugal.

En representación da Oficina Rexional Europea da FSM asistiu Xan Carballo, Secretario de Relacións Internacionais da CUT, que trasladou un saudo ás delegacións partipantes, así como tamén presentou un informe sobre a situación do transporte na Galiza. Finalmente o 19 de novembro, celebrouse unha concentración de delegados e dirixentes dos diversos sectores de transporte de Portugal diante do Ministerio de Transportes, na que falaron diversos camaradas denunciando a política do Goberno.

Ler máis...

Internacional

Máis artigos...

Páxina 1 de 2

Inicio
Anterior
1
2
Seguinte
Final