O sector naval volveu saír as rúas un día despois da Folga Xeral, desta vez para protestar pola morte dun compañeiro morto mentres estaba a traballar na madrugada do día 29 de setembro. Este é o dereito ao traballo que defende a patronal: xornadas de 12 horas sen descanso -sexa mañá, tade ou noite- mentres xestionan expedientes de regulación, condicións de seguridade inexistentes e por suposto o dereito a morrer no posto de traballo.

A morte deste traballador non fai máis que confirmar a presión e a precariedade á que nos somete o capitalismo, pero ao tempo serviu para que de novo o naval dera mostras da súa combatividade e solidariedade. Que non o esqueza a patronal

O vindeiro xoves, día 5 de febreiro terá lugar Folga do Sector Naval en solidariedade cos catro traballadores que van ser xulgados ese día, no Xulgado do Penal nº 1 de Vigo. O xuízo fora aprazado o pasado 6 de novembro de 2008.

A Fiscalía solicita penas de catro anos de prisión para cada un dos acusados: Emilio Docampo, Iván Piñeiro, Xosé García e Daniel Cascallar, ademais da indemnización solidaria de máis de 8000 euros, imputándolles os delictos de danos e desordes públicos.

Ás 7 da mañá, os traballadores concentraranse nas portas dos estaleiros para máis tarde saír en manifestación polas rúas de Vigo ata o Xulgado.

Ler máis...