Desde a CUT transmitimos o noso apoio a Luis Bar, sindicalista de Frivipesca Chapela, delegado revogado tras unha manobra empresarial contra os intereses do conxunto de traballadoras e traballadores.

A bo seguro, o aspecto máis duro que conleva a senda sindical de clase, honesta e honrada, é atoparse no camiño coa ingratitude dos propios compañeiros e compañeiras.

Hoxe a asamblea de traballadores de Frivispesca Chapela, déulle as costas ao compañeiro Luís Bar Pérez, delegado sindical da CUT. A empresa, por fin conseguiu o que tanto anhelou, revogalo como representante dos traballadores e traballadoras. Tiña que estirpar o cancro que tanto lle molestaba. Como non podería ser menos, toda escoria de esquirois e lambecús con ou sen apelido sindical, prestouse decididamente a semellante manobra.

Ler máis...

Desde o grupo de ensino da Central Unitaria de Traballadoras e Traballadores chamamos a secundar a folga xeral contra a LOMCE o vindeiro xoves 9 de Maio.

Toda a comunidade educativa está chamada á folga o día 9 de maio. Aos ataques continuos que vén sufrindo a educación pública en forma de recortes orzamentarios e laborais, o ministro Wert mantén inalterable a súa contrarreforma educativa, a LOMCE, malia ter na súa contra a profesionais, estudantes, familias e agora tamén o ditame emitido polo Consello de Estado.

Ler máis...

Hoxe na Coruña unhas 1.000 voces do sindicalismo alternativo (CUT e CGT) e movementos sociais (15M e Stop Desafiuzamentos) saímos á rúa para darlle ao 1 de Maio un verdadeiro carácter reivindicativo.

Para facernos ouvir contra as políticas antisocias e os recortes neoliberais que o monicreque goberno central e a súa delegación en Galicia aplican sen piedade á clase obreira e á cidadanía galega.

Ler máis...

A CUT aposta nesta convocatoria pola celebración dun primeiro de maio expansivo, que estenderá a unidade do sindicalismo alternativo por varias cidades galegas.

Compostela, Vigo, A Coruña e Ourense serán as cidades nas que a CUT, da man doutras centrais sindicais de base e de diferentes organizacións da esquerda social sairá á rúa. Concrétase así a expansión dunha data de celebración e loita coa aposta nítida de todo o tecido sindical de base por estender a mobilización nas rúas ás principais cidades do País e ofrecer deste xeito unha alternativa sindical viábel e de proximidade.

Ler máis...

Este 1º de Maio, a CUT de Vigo participará na mobilización do sindicalismo alternativo da comarca xunto a CGT, STEG, SF-Intersindical, SXG e Sindicato da Elevación. A manifestación partirá ás 11 da mañá dende a Pza. Fernando Católico.

Baixo o lema "Clase Traballadora, Organízate e Loita", percorreremos as rúas de Vigo, os traballadores e as traballadoras, co convencemento de que xunt@s podemos mudar as tráxicas circunstancias que conlevan a perda de dereitos sociais e laborais.

Ler máis...