acción sindical

Nos últimos días o Comité de Empresa de Panrico tivo coñecemento dos plans da empresa para despedir a 23 traballadores/as, nunha clara vulneración da lexislación laboral vixente. A empresa xa se puxo en contacto con parte destes traballadores para tratar de que marcharan por vontade propia, alegando con mentiras, manipulación e clara premeditación, que "deste xeito cobrarían unha indemnización de 45 días por ano traballado, e que, de non aceptar, a empresa Panrico tramitaría un E.R.E. e os despediría igualmente, neste caso correspondéndolles tan só 20 días por ano traballado de indemnización (sempre cun máximo de 12 mensualidades)".

Así tamén, a empresa Panrico xa se puxo en contacto co comité de empresa para que se lle dese o visto e prace a esta operación ilegal. Amparándose supostamente no artigo 42 do convenio colectivo.

Ler máis...

No día de onte celebráronse eleccións sindicais na empresa SODEXO , nos centros de traballo da Cafetería do Hospital Clínico Universitario de Compostela, no Hospital Virxe da Xunqueira de Cee, na Clínica a Robleda do Pino e no servizo de comedor do Colexio A Salle de Compostela; sendo, a candidatura da CUT a que obtivo máis apoios entre os 84 traballadores que votaron nestas eleccións, aos que queremos agradecer a confianza depositada na nosa candidatura.

A CUT, levaba máis de dous anos reclamando a convocatoria de eleccións sindicais na Cafetería do CHUS de Compostela, onde xa contaba con representación maioritaria en número de afiliados/as, pero ao non contar con delegados sindicais, e tras un laudo arbitral, non se podían solicitar dende a CUT a celebración dunhas eleccións; algo que se materializou onte tras a solicitude de eleccións por parte dos traballadores e as traballadoras da empresa, pero non só para este centro de traballo, senón para todos os que a empresa SODEXO ten na provincia da Coruña.

Ler máis...