Martes, 29 Setembro 2009 13:39
As distinas comarcas da Central Unitaria de Traballadores/as xa está a traballar no IV Congreso, que terá lugar en Compostela o vindeiro 28 de novembro. Coa finalidade de converter o devandito congreso nunha ferramenta democrática que axude a construir o futuro da CUT, vanse celebrar –cando menos- dúas asembleas en cada unha das comarcas da central. É de vital importancia a participación de todo o corpo afiliativo no proceso precongresual, entrando no debate e aportando ideas. O próximo día 1 de outubro, nesta web e en todos os locais, teredes a vosa disposición o relatorio oficial.
Luns, 10 Agosto 2009 10:11
A Central Unitaria de Traballadores/as, en Secretariado Nacional do pasado 11 de maio de 2009, en base ao artigo 27 dos estatutos desta central, acordou a convocatoria do IV Congreso Nacional baixo o lema: FORTALECENDO A CUT, NO CAMIÑO DA LOITA SINDICAL. O congreso celebrarase o sábado 28 de novembro na comarca de Compostela. O enderezo habilitado para toda comunicación oficial é Este enderezo de correo-e está a ser protexido de robots spamers, precisas activar o JavaScript para velo . A este enderezo deberán enviar as comarcas, tendo de prazo ata o día 7 de setembro, os respectivos correos onde recibirá as comunicacións oficiais. Será este un congreso onde o relatorio oficial será de carácter político sindical, unido ao informe de xestión. A publicación deste relatorio oficial será o día 1 de outubro de 2009, poidendo ser emendado ata o 19 de novembro de 2009 co aval dun 5% da asemblea comarcal. O calendario de asembleas comarcais terá que ser comunicado ata o día 7 de setembro de 2009. Todos os textos referentes ao IV Cogreso, así coma as emendas presentadas, serán publicados na nosa páxina web.
